عسى بفستانها اشواك وفي ثوبه عقارب سود!!!

هاذي قصيده لواحد وعد وحده انه بيتزوجها وبعد مرور ثلاث سنوات تقدم لها واحد ووافقت عليه وجت تعتذر له انها بتروح وتخليه
واخونا في الله كتب فيها قصيده روووعه
اقروها واعطوني رايكم :




ثلاث سنين انا اخطط لهذا اليوم يا ابو سعود
تيسر حالي وجاهز اوفي وعدي بوقته
وفجاه جتني تتعذر تقول تاخرت الوعود
وانا مستغرب واسمع كاني وعدها خنته
حسبت انها تمازحني وتتصنع جفا وصدود
ضحكت بوجهها من قلب مع انها بايخه النكته
وقالت ارضى بالواقع قلبي ماهو المعهود
تغير كل شي صوبك نصيبي ما اظن انته
كنت بيوم محبووبي ولكن ما اظن نعود
وصل من قبل ماتوصل وانا ذاك الصبر عفته
ولكن تكفى صدقني ويشهد ربي المعبود
ترى ماخنتك بغفله ولاكلمته وشفته
صرااحها هلي قالوا لي بانه ولد اصل وجود
وجاتني امه با الصوره وبكلماات المدح اخته
سكت وقلت هي فرصه مادام الجود فاالموجود
وقالوا كل من حولي علامات الرضى سكته
وانا فكرت دام امه واخته ماعليهم زود
اكيد اني براضيهم اذا وافقت واخترته
واراضي اهلي واخواني مادام ان الفرح مقصود
عطيت الناس انا كلمه ومعاهم وقتي حددته
ولااقدر اغيرها ترى عند العرب منبوذ
اوافق واعتذر باكر واقول الراي غيرته
تبي تشرح لي المنقود تصدق عاد يا ابو سعود
تبيني اقتنع واراضى بحال عمري ماعشته
انا ماني بقايلها عسى يفرش ثراها ورود
بعد ماحطمت قلبي وطعم الموت جربته
عسى بفستانها اشواك وفي ثوبه عقارب سود
ونار تحرق الكوشه وتحرق بيتهم حتى
وموت بليلة الدخله يبرد حرتي ياكوود
ولا احس انها بحضنه يلامس خد لامسته
علي اهون اذا ماتوا ولا بنفس السرير رقود
وصعب علي اتخيل اللي ماتخيلته
عسى قاع الثرا يقسى ويتحول صخر جلمود
وحفار القبر يرفض يسوي فوق مقدرته
ترى دفنة عديم الذاات تلوع حتى كبد الدود
ومن خان العهوود وماات تعافه حتى مقبرته
عسى ربي يجازيهم بحبل من مسد ممدود
يعلقهم من اطرافه وفوقه نار وتحته
انا ماني حقود وشين ولاني من نسل نمرود
ومن حط نفسه بوضعي بيقول اللي انا قلته
مادام الفعل له ردة فعل والله ابشري بردود
بدعي دامني حي وبغرس للدعاء نبته
وبسقيها نزيف القلب ودمع مارحم الخدود
وتكبروالثمر ثاري من اللي خانني وصنته
انا نذر علي اكتب وافجر ها القصيد رعود
واسمع كل بشر صوتي عجبته ولا زعلته
واردد للي يسمعني اذا حبيت حط حدوود
انا حبيت دون حدود و شوف اللي تكبدته
ثلاث سنين انا ابني وجات صوره بكل برود
وخذت مني شقا عمري وحلم قلت حققته
ثلاث سنين انا اخطط لهذا اليوم يا ابو سعود
وتوافق من كلام اخته وصوره اربعه في سته




منقولـ