أهـلـي مـووو أهــــلي

السلام عليكم ورحمة الله وبركاته

تصدقون اهلي طلعوا موب اهلي

هذا الله يسلمك مير ذاك اليوم وانا جالسه على كنب بيتنا << يعنني عندنا كنب

واجلس اقلب في جريدة الرياض وكل شوي طايحه على الارض

واقرى ذاك الخبر حق الجيزاني الي بدلووه مع تركي ولخطبه

ومير جاني احساس وشعور والهام ومها ومنيره

وجلست افكر وافكر وافكر وغفيت شوي همن صحيت وكملت تفكير

وقلت لايكون انا بعد مبدله << معد ورى

واروح لاميمتي وهي في المطبخ ولاهيتن تزين مطازيز

انا : يمه يمه يمه يمه

مامي << يقالي كشخه : وجعتين وشو

انا : انا بنتس ؟

اميمتي : لا انتي بنت ام الدحمي جيرانا

ومير ارووح اركض لغرفتي وانا اصيح ودمعي اربع اربع واستلقى على سريري وامسك دبي واجلس ابكي وابكي وابكي << نصابه قصم ماعندي دب بس يقالي مثل هالبنات خخخ

لا صدز ومير انقز واجيب شنطتي وحطيت فيها لاب توبي وقواطي تونه وفقس

وانزل و البس عباتي واكتب رساله وداع لاهلي واعلقها على الباب

(( إلى اهلي النصابين الي قالو اني بنتهم وانا منيب بنتهم

تراني برووح الى الابد

الى القاء

ابنتكم المخلصه ))

المهم واروح لبيت ام الدحمي

وادقدق الجرس عليهم

واسمع ذاك الصووت الي يوم سمعته يفز قلبي وحسيت فيه حنان امومه << امحق

خيرررررر وجع بلا وجع وشذا الازعاج

ويوم انفتح الباب ومير ارجفه

واجلس اصيح واضم الحرمه الي فتحت لي الباب يمه يمه اشتقت لتس وراتس تركتيني وش انا طوووط طوووط <<<<ماتبي تقول اسمها.... بنتكم

ام الدحمي : قصم موب بيدي بس رجلي غصبني << تعيش الجو بصرعه

واجلس اصيح صدز يعني انا بنتس صدز ؟

ام الدحمي : هااو وشو بنته الله يصلح حالتس اقول طسي بيت اهلتس بس

انا : بس انتي امي

ام الدحمي : من زينتس عشان اصير امتس انا بحلتن بذا الي عندي تجين تنشبين لي

انا : الله وعندي اخوان بعد <<< يعنني موب مسنتره عن جيرانهم 24 ساعه

ام الدحمي : قصم مالي خلقتس وخري من خشتي خليني اروح اكمل غسيل الحووش

انا : طيب اذا انتي موب امي من امي (( خخخخخخ تعبر ))

ام الدحمي : انتي اصلا امتس خطفتس من ايطاليين ولا انتي منتب سعوديه <<<بدت تتفلسف

انا : وانا اقووول وراني احس اني اهبل وفيني زين مهوب في احد << مشكله الثقه

ام الدحمي : اقول صدز صدز شكل ماعندك مرايات في البيت تلايطي بس << اخلاق سياحيه

ومير ترقع في خشتي الباب واتحطم واجلس اركض في الشارع اصيح وشعري يتطاير <<< ودي دايم اسويها

المهم وقلت يابنت مالتس الا اهلتس

وارجع لبيتنا وانقز بدوون ماحد يشووفني واشقق الرساله << يعنني ما انحشت

وانقز لغرفتي واحط قواطي التونه تحت السرير واخمد

طبعا وبعد اسبوووع من المووضوع إلى كل الحاره دارين عن سالفتي

وام دحيم ماخلت احد ماقالت له وكل ما شفت احد قام يضحك علي

لا واثر اميمتي مصوره نسخ من الرساله وكل من قالت له ام الدحمي السالفه اميمتي ارسلت له نسخه من الرساله

وصارت سالفتي على كل لسان (( خخخخخخ وما زالت تعبر ))

ما يستفاااد :

1- ترى اهلك هم اهلك لاتفكر تتركهم

3- لا فكرت ان اهلك مهوب اهلك لاتروح لام الدحمي وتقول لها انتي امي

وسلامتكم

خخخخخخخخخخخ

وربي البنت دي مفهية

سلمت اناملك طوطو ....

خخخخخخخخخخخخخخخخخ ايييوة دي القصة قريتها ونقلتها في منتــدى الحبيب لوووول

وبسسم الله كاني تهيأت اني نقلتها هنا خخخ

شكرررررررررراا طوطتي

اقتباس :: ومير ترقع في خشتي الباب واتحطم واجلس اركض في الشارع اصيح وشعري يتطاير

يختي فكيت عليها كااااااااااااااااااااااي هههههههههههههههههههههههه

عشتي الدور وعيـشتـينا هو معاكي .. الله يهداتس ويسامحتس على سوالفس العظيمه < اتأثرت بالحكايه خخخ

ماشاء الله خيــالك واسع يختي .. ضيقيه قبل ما يصير من جد وتسويها خخخخ ترا الخياط الي

جنب بيتنا مرررررررره كويس انصحك تروحيلو ههههه

مــــــــفهيهـ وبس إلاااا راايحه فييهاااا

تـــــــسلميين رووروو على المرور

..................................
ههههههههههههههههههههه إنتي هناااك وأناا هنااا
تـــــسلميي دلوو على المرور

...............................

هههههههههههههههههههههههه نفسي اسووويهااااا

يااحبيتي خلي خيااطكم يتهنااا بيكم ولاا أقلكـ أبغى اجيبله القرصاانه حقتناا

يفتح عدة ثقوووب ومن تماا يخيطهااا لعل وعسي ينفع معاااهااا<اقص إيدي لوفهمتى هع

تـــــــسلميين هيمااا على المروور

عضو خطير المشاركات : 401 تاريخ التسجيل : 11/06/2009

هههههههه والله حلوة

ههههههههههههههههههه

مير ومدري وشو والله انها تضحك

تسلمين طوطو

تصدقي اغلب الكلماات ما فهمتها .. Very Happy

بس ويمين بالله حمآآس مررة .. اقوول اتخيل بس شكلك وانتي تجري في الشآآرع و بالعباية عاملة بات مان .. Very Happy

<<ترا مجربتها في نطنيطة الصيرفي .. Very Happy

تسلميين واللهـ على الموضوع المووحمس .. Very Happy

هههههههههههههههههههههههههههههههههههههه باااتماااان على غفله من جد جبتيهاااا Very Happy

تــــــــسلمووون بقعااتي العزيزااات على التسدح هووناااا Laughing

خخخخخخخخخخخخخخخخخخخخخخخخخخخخخخ

مشكرات