وخـــــلـصنااااا ..... أولى ثاانوي ..وأولى ثلااااثه

الحمدلله غلقت هذي السنه.. بحلوها ومرهاا
-------------------
مامتي .. انا مو من النوع الي ادير ظهرري .. لاشياء احبهااا .. بالعكس اكافح عشان تظل عندي

وانتوو من اروع الاشياء في حياتي .. يمكن انتو ما تعرفوو عن دا الشي .. لكن انا للاسف من النوع الي ممكن يفضل اشياء كثير عن نفسوو والاخس يطنش مستقبلو عشان " الصحوبيه " .. واسألو صحباتي الي من زمان .. للان احسسهم وهوا بالفعل انو مكانتهم زي ما هيااا .. اقدر الصحبات بطريقه محد يتصورهاا .. ممكن تقولي عشان دايما كنت ابغى اخت قدي او اصغر مني !! الله علم

بس صدقيني ... انا بحاول . وراح احاول .. اني اظل معاكم .. بس اهم شي اكون معاكم بصحة وعافيه

لاني ما راح اتحمل اشووف .. نااس قلقانه عليا .. ناس تسوي لي تلات ارباع شغلي الي مفرووض انا اسويه << اظن عارفين مين هههه

ما راح اتحمل .. اشووف نااس .. تعاملني بطريقه نوعا ما غير .. وتشفق عليا !!
اذا جيت .. ابغى وضعي يكون >>> امل زمان ..

بالفعل احبكم .. و ممكن والله محد يتصور قد ايش ... انا والله مستعده عشان اخلي كل وحده فيكم مبسوطه .. وترتاح في المكان .. اضحي .. بصحتي ونفسيتي اذا كنت زعلانه واضحك فوجه الزعلانه ... ولو ادفع كل الي في محفظتي << صح يا كااش ..
عشان نظل مع بعض ...

اولى تلاته .. يمكن انتو ما تعرفوو .. اني كنت بسوي اشياء كثير كثير .. عشان نصير زي ما احنا دحين .. يد وحده قلب واحد
صدقوني اشياء ما تعرفوها ... واشخااص كنت احاول على قد ما اقدر . اني اغير فيهم اشياء ..عشان يخشو معانا في العائله حقتنا

انا واعوذ بالله من كلمة انا ... طول حياتي .. اصلح في الوضع الي حولياا .. اراضي واضحك وامزح ...
هذا كلوو .. عشان نبقى مع بعض من غير حزازيات .. وكلام بنات الفااضي !! .. عشان نحس بالانتمااء ..
واتعرضت لمشاكل كثير .. كان محورها اني بسوي لكم شي .. بعضها زبط وبعضها لا ...

كله فداكم ما علياا ..
بس منجد احبكم .. منجد احبكم ..
وما يهون عليا ارووح !

اسيل .. حبيتها والله من كل اعمااق قلبي .. وصحيح الكل والله احبهم .. بس دي البنت ... بادلتني في الشعوور اكثر من الي اعطيتها هوا .. حبتني اكثر من ما حبيتها
اعطتني من وقتها كثير .. ومن جهدها اكثر .. سوت لي والله الي ما سوووه الي يقربولي على الطاير تفهمني .. القوى الي كانت بيننا .. قوى تجاذب كبيره لا يمكن فصلها باي طريقه كانت اتمنيت اقدم لها كل شي .. بس ما قدرت .. حاولت على قد ما اقدر اسعدهاا في يوم ميلادهاا بس والله ما وفيت .. اسيل اسرع شخص دخل قلبي .. واسرع وحده كسبتني وكسبت ثقتي فيهاااا والله انك اجمل شحيط في الدنيا .
الاء .. وترتني كثير .. هههههههههه بس ما احب ابين لك يا لولو .. حبي الزايد لكي .. ما سألتني نفسك ليش ؟؟!
انا اقلك .. لاني لو جا يوم وكنت متضايقه فيه او شي .. وكلمتك بطريقه غير .. وحسيتني انو معزتك عندي نزلت << بالرغم انو مو صح .. حتاخذي موقف مني .. ودا الشي ما يرضيني .. ولازم تفهمي .. " دائما مشاعري مخفيه !

روان .. اسرار .. << انتوو القديمات .. انتوو الي خابزيني وعاجنيني .. الي فقلبي لكم .. ما يبغاله كلام اصلن .. خلاص الي بيننا اشهر من ناار على علم ... واظن انو شي واضح ..

دعااء .. على قد ما حسيتي انو بيننا حزازيه .. على قد ما كنت احبك .." وفخوووووووووووووووره بيكي ... وكان لنا الشرف بوجودك والله في الفصل .واذا بتعرفي ليه .. تعالي وانا اقلك
كان يزعلني منجدد .. انك ما تخشي الجو معانا ... لانو وجودك .. يريحني ويعجبني .. لانك تذكريني بطريقة محشاتك وكلامك .. بنفسي .. " والصراحه راحه .. انا احب الي يذكروني بنفسي هههههههههههه

عبطاء ... انتي .. انتي .. والله ما ادرررررررررري والله مدري .. بس انتي شي خلاني مقدر اعبر ..
منجد ام .. لا تزعلي بس تعريف الام عندي هنا
1- قلبك كبير 2- عقلك اكبر 3- متفهمه 4- تعرفي تجمعي المتشتتين ... منجد احبك واحترمك واقدر تفكيرك
احب الجلسه معاكي ترا

رحوبتي ..
اااه يا رحاب .. ممكن تعطيني من ماشاء الله نباهتك واحسااسك ! ترا افقتقد الاحسااس هذي الايام ههههههههههههههههه
خليكي بالله زي ما انتي .. صامده كالجبال قويه بارادتك وافكارك لا يغرك الزمن والسلاتيح هههههههه
معلومه !! .." ترا شووفة وجهك الصبوح كل يوم .. تشرح الصدر والله .. مدري ليش

شااااااااااقي .. اه من شااقي .. ما اتوقعت ابدا انك فله وتضحكي زي كذا .. منتي باينه من صغرك .. حبيتك .. على قد ما احب وودي اتناقر معاكي ... احسسس كذا الشغله حمااس معاكي ههههههههههههههههههه

موده .. على قد ما تنتي الصغنونه الي في الفصل .. على قد ما كنتي نبيهه وعقلك سابق سنك بكثير .. موده والله كنت احب الكلام معاكي .. وكنتي من اكثر النااس الي ممكن ارجع لها عشان افضفض ". بس خساره ليت الزمن يرجع شويه ورا .. واخذ معاكي وقت اكثثثثثثثثثر

مشمشتي .. لبى قلبها والله والله والله اطيب قلب في الفصل والبقيه سروو ههههههههههههههههه
تبغي فزعه تبي اي شي يحتاج تيم ؟ مالك غير مشمشتي..
دراعي اليسار هع ههههههههههههههه .. معليش كينج كونج اخذت اليمين عنككككك

دله ,, ما حبيت اطوول اكثر اليوم في الفصل قولي ليش ! .. لانو مجرد ما اشووف عيونك وهيا تدمع .. اكره نفسي واكره كل شي في الحياه .. لاني خليت الدموع البريئه دي تنزل ... اصدق دموع شفتها .. واحن قلب شفتو .. ليتك معايا في البيت ... تبردي قلبي شويه هههههههههههه انتي يا داليااااااا >> رائعه .. واعيدها يا بتخت الي يكون من نصيبك .. صدقيني متهني في قلبك

خلود .. احبها والغنم يشهد وكل تيوس حارتنا احبك يشهد الراعي وحتى حمار جارتنا
من اكثر النااس الي تحبني بس للاسف ماكانت تظهر .. ونفس الشغله شذاوي ...
كلمة لكي يا خلود .. اذا قصرت معاكي .. ابغاكي تسامحيني.. ويا شوشو لوو زعلتي من مزحي وتصفيقي السمااح ترا احب اطقطق انا كذا من ربي

هبه يا كلبه .. يلي ما تسألي الا في السنه حسنه .. احبك لانك عربجيه .. هههههههههه ولأنك زيي . باذن الله انضمامك لفريق الكوره للبنات حيكون اكيد مع شرقرق وسي سي ومشمشه

والبقيه .. كل وحده فيهم لها مكانه .. واحسااس خااص..
ساره الي تحاول قد ما تقدر تساعدني .. تضحكني ... عاد هيا وبيان ما يحتاج برضو زي حكايت اسرار وروان قديمات معايا معزتهم معروفه ..
شووسن انس وسفانه .. اكثر النااس الي تسلم عليا ..وما تنسى ابدااا ما تقول لي سلامات ايشبك غايبه ..!!وعاد سفونتي .. طلعت وحده وحده من ورايا
لين وموزا ... تصدقووو .. والله ما قد ضحكت من احد على قد ما ضحكت من موزا .. والله احبها .. غطت عليا الكلبه ههههههههه
لين ممكن اخذ كورسات منك في الانقلش
سمر زوجتي حبيبتي ... لك شي خااص بعدين .. راجعينا في قسم الاستعلامات .. وقولي لنجوى تعطينا شويه من انوثتها ورقتها ورزتها << رونا .. قايله لك مفتقدينها ههههههههههههههههههههههههه

بلغوو سلامي .. لنورا .. ترا كنت احبها بس ما اقول لهاا .. عشان لا تنجن اكثر من ماهيا مجنونه .... وقهري .. اني للاسف ما حسستها بذا الشي من اول

----------------
:ffff:
امل ..اختكم
Follow the Magic in your Heart it's the inspairtion for your Life ,,<3

Bejoo..
b&b

حلوه المشاعر المستخبيه دي .

الله يديمها

يلعن شياطينكم ..

اناا الي مالي داعي و ما ادري ايش الي مدخلني عرض كذا .. بس يمين بالله لمن قريت كلامكم قعدت ابكي .. مع اني خارجة من المدرسة و اناا ادعي على صحباتي ..

يا بنت والله انك رهيييبه..وتعجبيني كمان ..

بس الاحلى انو اكون ضدك انتي وبيجو ..لانو ما ينفع نكون تيم واحد ..
حلوه المناقره معاكم <<اقول بس لا تتمقلبوا في انفسكم

بيجو شفتي قد ايش نحبك ..
والله يديم المحبه..

ســــــــــــلامـــــــــــو

من جد الله يديم المحـــــــبة وربي لا يفرقنا

يا ربااه

والله السنة كانت حلوة وسريعة والاجازة كمان حتكون سريعة وحنرجع تاني ان شاء الله.

وترا طلع قرار يمنع النقل من المدارس الا الى مدرسة في الاندلس فاللي تحب تنقل عندها مدرسة شاطبة وقرطبة وغرناطة يمدحوهم ترا.

شكرا يا احلى عبطا عرفتها في حياتي (( الصراحة انتي اول عبطا عرفتها في حياتي )) على موضوعك الجميل اللي اظهر المشاعر المكنونة داخل محارة في داخل محيط متجمد.

وانا اعتذر لكل وحدة زعلتها او اغتبتها بس والله اني احبكم.
على فكرة يا اموله والله انا طبعي كدا استحي ما اتعودت حتى وقت الفطور او الشكشة ما اعرف اندمج بس يالله الواحد يتعود.
والله كل بنت فيها ميزات حلوة الله يخليكم ويهديكم ويشفيكم ويرجع المسافرين بالسلامة.

بالله انتو اش حتسو في 3 ثانوي ولا في الجامعة ولا لو وحدة راحت بعثة خارج المملكة؟؟

ويلا كل عام وانتو بخير مقدما لرمضان والعيد.

لكل البنات الي كتبو عني


مررة اسفة اني ما تكلمت عنكم بس الحب الصادق في القلب والله مو عشان شي بس عشان انا ما اقدر اوفيكم حقكم والله يدي حتتكسر

بس امل وعبطا جاهم رايي فيهم لأنهم اول اتنين تكلمو عني خخخخخ


احببببببببببببببببببببببببببببببببببببببببببببببببببكم

احنـــــــــا اسطورة في التاريـــخ


كلنا بكينا

انا يا عبطا ما كتبت عن الفصل كلو

بس كتبت عن اموولة عشان يمكن تروح وعنك انتي لأنك صاحبة الموضووع

خخخخ

اقوول ايش ولا اسيب ايش !!

وربي في دااخلي كلااام كثييييييييييييييييييييييير ،،

احلى ايااااام حياااتي عشتها معاااكم بحلوها ومرهآآ ،،

ايااام عمرري مااقدر افكر انسااهاا مهما كااانت الذكرياات الي فيها =) ..

وربي هذي السنة انا انقللبت معااااااكم 180 درجة ،، يمكن لاحظتوو التغير الي صار من بدايه السنة عن اخر السنة <<تنااقض ^^

حتى الي في بيتناا كلوو حس بالتغيير حتى مرة عمي صارت تقوول انو انا مبسوطة دي السنة مع صحبااتي واني اترجيت شويتين ..

وبصراحه حزنت على ماما واختي والست هانم ليان من كثر ماحكيهم عنكم ^^ كل شي مهما كان تافه اقوله لهم ،، صرت احس انهم حقدو عليكم مني ..

تتصدقوو انو ليا يمكن اسبووع مانام مزبووط من كثر ماافكر فيكم ..

اول السنة يمكن كنت متضاايقة من الكل ولا كنت حابه احد .. بس على قول المثل : ما محبة الا من بعد عداوة =)..

امل // قاابلت في حيااتي املاات"جمع امل" كثييييييير بس ولا مررة وحده منهم خلتني استشعر معنى اسمها زيك ،،

مادري ايش اكتب ،، لاني من جد ماحقول الي يوفي حقك عليآآ ،، لـ معلووميتك انتي اكثر انسااانه اسعدتني ،،

وجودك جمبي اكبرر سعاااادة ليآآ ،، واحللى عيدميلاد صار لي الي سويتيه ليآآ ،، وربي ماادري كيف اردهآ لكي ،،

فرحتينيي والله مرررررررررررررة كثيررر ،، والله كنتي ليآآ اكثر من اخت ،، والله اني اعزك اكثر من اختي ،،

انتي مافي منك اثنييين ابدآآآ ابدآآ ،، ومن الناس الي مستحييييييييييييل مستحييل لو ايش صاار ماحنسااهم ..

تفهميني بسرعه ،، لو فيآ شي انتي اول من يجيني ،، كلامك يريحني ،،

تعرفي تقنعيني ،، تعجبني طريقه تفكيرك ،، احب نظرتك لـ الحيااه ،،

كل شي له حل عندك ،، لو شي تبغيه حتسووي اي شي عشان توصلي له ،،

مافي شي اسمو مستحيل في حياااتك ،،

اعذرييني بس ماقدرت اوفي حقك ،، لو قعدت اتكلم عليكي ماحخلص ،،

اعذروني ماكتبت الا عن امل ،،

انتوو عارفين غلالاتكم عندي قد ايش ،،

والاياام جاايه ان شااء الله تبررهن لكم =) ..

صحيح انوو اولى ثنوي خلصت والحمد لله بس عمررهم اولى / 3 ماحيخلصووو ..

وانااا استنى اللحظة الي اشووف فييها عيالنا يلعبو مع بعض ..

اقتباس :

وبصراحه حزنت على ماما واختي والست هانم ليان من كثر ماحكيهم عنكم ^^ كل شي مهما كان تافه اقوله لهم ،، صرت احس انهم حقدو عليكم مني ..

لا ويمين بالله والله اني حبيتهم من كثر ما تحكيني عنهم و هذا كلو قبل ما اشوفهم و كمان بعد المنتدى والله حببني فيهم اكثر ..

ويمين بالله يوميا احكي صحباتي .. بس والله بكيتووني المصيبة اني ابا ابكي بس الكل عندي هنا و ما ابا ابكي قدام احد

و اذا على انك اتغيرتي والله انك اتغيرتي 180 درجة عن السنة الي فاتت