صورة لكورة الحظ قبل 40 سنة

هذه الكورة المنسمة المعدومة
تشكل اجمل قصة في تاريخ ديربي المنطقة الغربية
وكل واحد يطالع وراه عشان حندوس ريوس ونرجع لقبل اكتر من 40 سنه
ونروح لملعب الصبان الملعب الصغير الضيق المزنووق ونخش وسط المبارة ضيقة النفس صعبة التحدي

قدامنا على طول الاتحاد vs الاهلي
كلهم فرق محترمة وليهم جمهور والظروف متساويه لكن ديك المبااااارة كانت غير
كان الاتحاد يعيش في دهاليز ومتاهات وضوائق ماليه
لكن رئيسه كان رجل شجاع المرحوم يوسف الطويل الله يرحمه ويغفر له



لكن الاهلي كانت ظروفه عال العال الامراء مغرقينه بالفلوس
والمعسكرات في ارقى الاماكن وايامها كان الفريق راجع من انجلترا
بعد حضور نهائي كاس العالم يعني مو ناقصة شي

تبدا المبارة 11 لاعب قدام 11 لاعب
جمهور عريض قدام جمهور عريض
نمور قدام تماسيح

لكن الاتحاد كان عنده سوبر مان اسمه حسين هارون اللي جاب الهدف الاول

تتغير اجواء المبارة تنتعش المدرجات الصفراء يعلى صوت الاهازيج مقابل الانتظار والترقب عند جمهور القلعة
لكن هناك وسط الملعب كان في واحد اطربته اصوات الجماهير اسمه سعيد غراب واه لمن نقول غراب تنقلب الموازيين ووتتغير النتايج والوضع يصير نااااااار
والكورة مع غراب والهدف التاني والتالت والرابع برضوا عند غراب والشوط كمان يخلص مع غراب.



ناخد راحة كم دقيقة نلقط نفس
ويبدا الشووط التاني الاهلي يعصر دماغه يحاول يتذكر النهائي
يمكن ينقذه يتذكر انجلترا وبعد جهد جهيد يجيب الهدف الاول
لكن ايه في غراب عندو الواحد بثلاثة يرقع الاهداف ورا بعض الخامس وراه السادس وراه السابع
وفي هاذي اللحظة بس من ان تلامس الكرة جسد غراب حتى تدخل الشباك تنتهي كل الاحلام الاهلاوية
ليسكت الجمهور مافي حس ولا اي صوت يحاول الاهلي ويحاول ويجيب هدف لكن الدرس لسه قائم وماشي الاتحاد يرد بالهدف التامن من عبدالله صالح ويصفر الحكم وتخلص المبارة ويهدى الوضع وتخرج الجماهير واحنا لسه واقفين عشان نردد: