الميك اب الخليجي؟الى متى؟

بداية ,, أحب اوضح كل شي عشان يكون الموضوع مرتب وما تتصادم الأفكار ووجهات النظر

لازم اوضح لكم وش قاعد يصير ..
هذا الايميل الى كل سعوديه بغض النظر عن عمرها

وهو يحاكي اصحاب العقول

فـ اللي ما تحس بإنتماء لهذي الفئه ياليت بكل ود واحترام وتفاديا لتجريح المشاعر الرقيقه انها تطلع ولا تقرا الموضوع انا علمتكم !!

لأني أحبكم يالسعوديات والحب هبه من الله ..

كل يوم ادعي ربي بأنه يصلح حالنا !!

لكن والله اللي نشوفه من سيء الى أسوأ !!


ما كان ودي أبدا نوصل للي وصلنا له .. أخلصي

[ المكياج]
تعريف المكياج في السعوديه : هو اخفاء الجمال ومعالم الوجه واظهار ألوان الفراشات والزهور والبحار ..
..

..
مكياج الفراشه!
مكياج التايقر !
مكياج بألوان الطيف!
مكياج فرعوني !
مكياج مميز ..الخ
..

..

----
عادة لما ينفتح موضوع تختلف الآراء والأذواق ..
لكن بالنهايه ربنا عطانا عقل ومنطق يحكمون كل شي بحدود المعقول والمألوف<< رحمت نفسي أحاول امهد للموضوع لعل وعسى يقتنعون

المكياج اذا بحكي بتفصيل ما راح نخلص أبداً ..

هي سالفة فونديشن ولا اي لاينر ولا ألوااان واشكال !!

سبحان الله اتوقع معد صار فيه مشاكل انك تنطق في هالصيفيه بالرياض
لانك تشوف ابداع الخالق في وجيه هالسعوديات اذا حضرت زواج ما ينقصك الا براد المكيف والحمدلله موفرته لنا القاعات !
اللي قاعدين نشوفه بالعزايم والعروس والله مو جمال ولا يمت للجمااال بصله !!
والله أحس نفسي رايحه مسابقة ترويع !!
من أدخل ابدا ازيد الروج والماسكرا احس نفسي شهبا
طيب أنا الحين عندي سؤال
هل أنتي راضيه عن نفسك داخلياً لما تطلعين من المشغل ووجهك كذا ؟


يعني صدق صدق انتي تحسين انه مره حلو ؟؟ < ودي أفهم وش يحسون به
غريبه صارحه ..
طيب مثلا انتي مره عاجبك ..
هل تتوقعين الناس بيشوفونك مره جميله ؟

طيب خلي ذا على جنب ..
بالله كم مره سمعتي اخوك ولا رجلك يتعوذ منك لاجيتي تروحين زواج !!

ولا علق عليك تعليق جارح !!

ما ألومه !
من الهول اللي يشوفه بوجهك !
مسكين يضيق صدره ان الناس يقولون مرت فلان قرويه
يعني تتوقعين لو كنتي أقبح عالطبيعه او في الطلعات العاديه من هالـ لط اللي بوجهك ليه ما علق ؟ سؤال أسأليه نفسك قبل كل زواج أو عزيمه ..

خلينا نمسك الموضوع حبه حبه عشان نعالجه ..

بداية بـ الفونديشن ..

أختي وإبنتي العزيزه ..

أختي وإبنتي اللي الله يرحم لي والديك حاولي تفهميني ..

الحين وش سر أن " البياض هو كل الجمال " ؟




ما قد شفتي سمرا وجذابه ؟


ياملحك تكفين


أكثر سمراء إثارة على قيد الحياة

طيب اذا انتي خلقك ربي سمرا وشوله لازم بالزواج تصيرين رصاصيه مدري بنفسجيه ؟
ليه ما يكون عندك رضى وقناعه داخليه بضبغة الميلامين اللي عندك مهما كانت درجتها !!
أقولك سر ؟؟

تدرين اثبتت دراسات ان المرأه البيضاء تتجعد وتشيخ قبل البشره السمراء ؟؟

والله السمار حلو بس انتي حاولي تقنعين نفسك شوي !


ماعلينا ..

خلينا نقول وجهة نظر وانتي انسانه تعشق البياض ..
طيب حطي شي افتح من لونك بدرجه درجتين
موب لون عكس لونك تماما ..
ترى والله هذا ما يحل المشكله !
بالعكس يزيدها سوء ..

والمشكله لا جت تختم لك الحفله اللي بوجهها بقلتر فضي تنثره على أرجاء الوجه !!


---

نجي لنقطة ثانيه مهمه بالوجه ..

إن العيون التي في طرفها حورٌ ..
ودت عيال القبايل في خبر كان

قيل عن سحر العيون ..

نظرت بـ كحلاوين أودعتها الهوى بالقلـب ـحـتـى هــــام ثـــــم تـخـلـتــا
تالله لـو علـم الـعـذول بـمـا جـنـى طـرفـي عـلـي لـسـاءهُ أن يشمـتـا
---

العيون تتكلم .. بلُغه ... لا يقرأها إلا من إبتلا بأن ينظر لها


---

لعينيك ما يلقى الفـؤاد ومـا لقـي وللحب مالك يبق مِني وما بقـي
وما كُنت ممن يدخُل العشق قلبهُ ولكنِ من يُبصر جفونك يعشـقِ

هم خلو فيها عيون ولا جفون يالمتنبي ..
الله يرحم زمانك بس

العيون مشكله يعاني منها المجتمع العربي عامة !
يحسون ان اللي عيونها صغار مفروض تروح لاقرب شباك وتموت !
لدرجة انه فيه وحده تقول اني اذا جيت اخطب لعيالي اشوف عيون البنت !
هي كبار ومكحله خطبتها !
بغض النظر عن جسمها شكلها وجهها ّ ؟؟
< طبعا الأخلاق منسيه من زمان

طبعا أحنا عارفين أن كل شي في هالدنيا له حدود ..
صح كل شخص حر بتصرفاته وذوقه ..
لكن تتوقف حريته عند حدود معينه يرفض تجاوزها العقل !
يآآ أختي الكريمه انا ما أقصد التجريح او ما شابه
لا والعياذ بالله
بس انا انصحك درءاً للمفاسد !
الحين لما نشوف واحد يمشي بالشارع نقول حر يمشي يسوي اللي يبي ..
لكن لو يقعد يتفصخ بالشارع لا !!
هنا تتوقف حريته !!
فيه قانون ونظام هي الدوله سايبه !!
والمكياج بعد لازم يكون فيه له حدود وانظمه ..
حريتك في تمطيط الكحل تنتهى بإنتهاء عينك ..
موب تمدينه الين يوصل أذنك الوسطى
والله يا بنات ان العيون تحكي وتسحر بدون هالخنبقه ..
حطي كحل وماسكرا واللي تبين بس بحدود المعقول !!

[size=16]

شوفو هذي مثلا ..
حاطه فل ميكب ..
بس يظل اللوك سيمبل وحلو ..
ما ماتت يوم ما حطت خوط والوان !
عيونها مو كبار ولا فيها زود بس مرتبتها بطريقه حلوه ما تزعج اللي يناظرها !! < مرتبتها ’’ لعد توصفين الله يجزاك خير ’’ ..

يعني مو شرط عيونك تكون مررره حلوه عشان تحطين شي سمبل

ليه ما ترتاحين نفسيا إلا لما تطلعين بكمية ألوان لا بأس بها لرسم لوحه فنيه !
هذي صوره وعنوانها كان مكياج عيون ناعم !!

طيب انا عندي سؤال ..؟
الحين اذا وحده مخطوبه ..

ولأن الشرع حرم الغش فلازم تطلع له بدون مكياج او بشي بسيط ماسكرا ولابيلو مثلا
شافها وعجبته وحددوا الزواج وكل شي ..
جا يوم الزواج لقى وحده ثانيه داخله عليه
يعني هي نفسها بس مع لوك الساحره


وش تتوقعين ردة فعله مسكين ؟؟
تدريون أنها قد صارت ؟؟
أعلمك وش سوا رجلها ؟؟
طلقها بليلة العرس
قالوا انتم غاشيني ميب ذي اللي شفتها ذيك شعرها اسود وذي اصفر ذيك ناعمه وذي جني والعياذ بالله
حاولو يقنعونه اهله قالو له بتشيل المكياج وتطلع لك تتأكد بس ماش الرجال جته روعه وما ألومه وانصحه يقرا ورده لأنه ممكن يتعرض لـ هالموقف مره ثانيه
----


الشفايا كنها جمر الغضاا تحرس الريق المحلى بالعسل


[ الله يذكرها بالخير سكرتيرة المديره حقت مدرستنا .. كانت تحط محدد بنفسجي على ازرق وجوا روج بيج كنب الله يصلحها معاد هيب شفايف !]

سبحان الله ..
يموت التعليق عند مثل هذي الصور !





يااالطيف اللي كانت تسوي هالحركه كانت معروفه بانه عندهم دش واهلها مايخافون الله
لا من وين تعلمت تمشي بالمحدد على خشتها من دون مايتعرج ؟!
اكيد انها خاشعه عند الدش وتشوف وش يسوون الكافرات الفاجرات ..من قال LBC وافصخي ؟!

مره كنت رايحه كوافير بسوي حواجبي لا عادها من مره !
المهم وانا انتظر دوري كنت مع عماتي ..
الا القى وحده تحط مكياج عندهم قلت خليني اروح اتفرج !
شفت وحده جالسه تسوي 5]مكياج الفراشه ] !
ولا يخفى عليكم هذا النوع الانيق والمميز من المكياج مستخدمه لها جميع الألوان الحقيقيه والخياليه ومع الدمج ممكن تكتشف لون جديد ما عهدته البشريه ..
وطبعا كل ما حطيت لها لون بعيونها راحت زادت لها طبقه باودر بيضا على وجهها ..
احس اني يمديني ادخل اصبعي جوا الباودر ولا يلمس وجهها !
انا تركتها و وجهها تقريبا كذا بس ما بعد كملت لها الكوافير ضاق صدري والله ودي اقولها لا تروحين كذا والله وجهك نكته بس بلعت لساني وفضلت السكوت ..
يا سفابك بس داخله تهبلين وتطلعين جني ..
موب هنا المصيبه !!
بعد 5 دقايق كذا دخلت وحده ..
تقول عندنا زواج اخوي ونبي نسوي بروفا عشان اذا عجبنا نحجز ..
قالت صاحبة المحل لا ما نسوي بروفا الا للعروس !
اذا حابه تشوفي المكياج روحي هناك فيه وحده جالسه تسوي ميكب شوفيها ..
راحت لها وماش لم نرى علامات الرضى في وجهها
حمدت ربي وشكرته ان ما زال بالمجتمع ناس صاحين !
شوي الا تسال اللي حطو لها ميكب !
تقول انتي طالبه مكياج خفيبف ولا وش
قالت لها لا طالبه مكياج الفراشه
راحت الحرمه لراعية المشغل قالت لا لا وع ما عجبني وش ذا خفيف مره ما كنها حاطه شي !!
نبي شي مميز زواج اخوي ذا !!
الله ياخذ من علمك الزين والتميز كانك صدمتيني صدمة عمري !

!
[ البساطه البساطه ,, ياعيني عـ البساطه ]
ترا فشلتونا قدام الي يسوا والي ما يسوا؟
احس الي يصنعون مكياج قاعدين يخترعون هالالوان المرعبه لنا..و احسهم يصنعونها وهم فاطسين ضحك
!انا علمتكم لحد يقول ورى ما قلتي لي

[/size]

صح صح في شي يخوف وفي شي حلو صراحة انا عجبتني اللي فيها الموف واوراق الشجر ابيض حلو

والمكياج اصلا يجي حسب وجه الوحدة احيانا يطلع حلو واحيانا وحش


وتشكري يا احلى وارق احساس

اوووووه الحمدلله مرررررررره ماليا في دي الأشياء

ماشااء الله علينا

لووول امنيتي اشوف شكلي بمكياج كتير لوول ..


ولأن الشرع حرم الغش فلازم تطلع له بدون مكياج او بشي بسيط ماسكرا ولابيلو مثلا
شافها وعجبته وحددوا الزواج وكل شي ..
جا يوم الزواج لقى وحده ثانيه داخله عليه
يعني هي نفسها بس مع لوك الساحره

<< دا الشي انا حاطتو في بالي داااااااااااااايماااااااا

لأنو في كتير ينزلو للي جاي يخطبهم بمكيااااااااج وبعدين لمن يتزوجها ينفجع من شكلها ..


شكرااااااا ابلتي على الموضووع الحلوووووووووووووووو داااا

مادري ايش فايدة المكياج

من جد مو بذا الشكل

حاطين اطنان من المكياج

وخاصة البودرة هههه


يعطييك العافية